Sumarstörf í Sandgerði

Home/Frettir/Sumarstörf í Sandgerði

Starfsskólinn

Verkefnastjóri, 18 ára + (Flokkstjóri)

Ertu skipulagður og jákvæður einstaklingur og vilt vinna úti og fá tækifæri til þess að taka þátt í uppbygginu á skemmtilegum starfsskóla fyrir unglinga?

Leikjanámskeið barna

Við leitum að áhugasömum og hugmyndaríkum einstaklingi til að hafa umsjón með sumar- og leikjanámskeiðum fyrir börn á aldrinum 6-12 ára s.s. smíðavöllum, skólagörðum og fleira. Æskilegt er að viðkomandi hafi reynslu af störfum með börnum og sé 20 ára eða eldri.

Sumarvinna

Slátturhópur, 17 ára +

Hefur þú áhuga á útivinnu, umhverfinu, vélum og tækjum og ert orðin a.m.k 17 ára. Ertu  sjálfstæður, skipulagður og vandvirkur. Starfið snýst um slátt, hirðingu og fleira.

Verkstjóri, 20 ára +

Viltu ná þér í góða stjórnunarreynslu sem getur vel nýst þér í námi og starfi í framtíðinni? Við leitum að einstakling sem er góður í samskiptum, hefur áhuga á umhverfi, er skipulagður, metnaðargjarn, ákveðinn og jákvæður.

Íþróttasvæði

Sandgerðisbær auglýsir eftir starfsmanni í stöðu umsjónarmanns grasvalla. Um er að ræða almennt vallarviðhald og umsjón Kirkjubólsvallar með golfklúbbi Sandgerðis ásamt íþróttasvæðum knattspyrnufélagsins Reynis Sandgerði.

Kirkjubólsvöllur er 18 holu golfvöllur staðsettur að Vallarhúsum sem liggur mitt á milli Sandgerðis og Garðs.

Sandgerðisvöllur er keppnisvöllur Reynis Sandgerði með aðliggjandi æfingavöllum. Áætluð stærð vallarsvæða er ríflega 20.000 m2.

Umsjónarmaður heyrir undir framkvæmdastjóra Reynis og GSG.

Starfssvið: – Umsjón og viðhald á svæðum sem heyra undir Reyni og GSG.

Umsjónarmaður skal stýra og/eða inna af hendi öll þau störf er snúa að viðhaldi og umhirðu vallanna og umhverfis þeirra. Átt er við daglegan rekstur, stjórnun og vinnu eins og slátt, vökvun, áburðargjöf, merkingar, holuskipti o.fl.

Umsjónarmaður skal miða að því að framkvæmdaáætlunum sem gerðar eru fyrir hvert ár af framkvæmdarstjórnum félaganna sé fylgt og þær séu full unnar að tímabili loknu. Umsjónarmaður skal halda verkþáttaskáningu sem fylgir áætlunum.

Kröfur: – Skilyrði er að umsækjandi hafi bílpróf og reynslu af vinnu á minni tækjum. Vinnuvélaréttindi og meirapróf er kostur ásamt þekkingu og reynslu af viðhaldi vallar- eða grænna svæða og/eða jarðvegsvinnu. Leitað er eftir ábyrgðarríkum einstaklingi sem býr yfir frumkvæði og metnaði til að ná árangri í starfi ásamt færni í mannlegum samskiptum.

Þjónustumiðstöð (áhaldahús)

Starfsmaður óskast í fullt starf til sumarafleysinga í þjónustumiðstöð Sandgerðisbæjar Skilyrði er að viðkomandi hafi vinnuvélaréttindi og búi yfir víðtækri reynslu af akstri og meðferð vinnuvéla.

 

Nánari upplýsingar veita:

Einar Friðrik Brynjarsson einar@sandgerdi.is og í síma 420-7509,  899-7505

Rut Sigurðardóttir rut@sandgerdi.is  og í síma 420 7507, 869-6169

Umsóknarfrestur er til 5. apríl 2017.

Umsóknareyðublöð má nálgast hér: https://sandgerdi.is/skjalasafn/pdf/atvinnuumsokn_almenn.pdf 

og skal skila í afgreiðslu bæjarskrifstofu.