Heimasíða sameinaðs sveitarfélags

Home/Frettir/Heimasíða sameinaðs sveitarfélags
  • Fartalva

Ný  heimasíða fyrir hið sameinaða sveitarfélag er í vinnslu, en hún verður ekki tekin í notkun fyrr en nafn hefur verið valið á sveitarfélagið.

Á slóðinni gardurogsandgerdi.is má finna bráðabirgðasíðu með helstu upplýsingum um hið nýja sveitarfélag. Þar birtast fréttir og fundargerðir sveitarfélagsins og upplýsingar um bæjarstjórn og nefndir. Heimasíður sveitarfélaganna Garðs og Sandgerðisbæjar verða opnar út árið 2018.

Tölvupóstföng starfsmanna verða óbreytt þar til nýtt nafn sveitarfélagsins hefur verið ákveðið.

Reglur, gjaldskrár og samningar Sandgerðisbæjar og Sveitarfélagsins Garðs gilda þar til ný sveitarstjórn hefur afgreitt breytingar.

Hið nýja sveitarfélag hefur fengið kennitöluna 550518-1200 og sveitarfélagsnúmerið 2510.

Símanúmer eru óbreytt en unnið er að sameiningu símkerfa og upptöku nýs símanúmers.