Á fundi bæjarráðs þann 28.02.2017 var umræða um vegatolla þar sem eftirfarandi var bókað:

Bæjarráð Sandgerðisbæjar varar við hugmyndum um upptöku vegtolla á leiðum til og frá höfuðborgarsvæðinu. Slíkt leggur óeðlilegar álögur á íbúa sveitarfélaga í nágrenni höfuðborgar og er í raun landsbyggðarskattur. Fyrir íbúa á Suðurnesjum er þetta sérstaklega bagalegt þar sem þjónusta ríkisins á svæðinu hefur verið skert á undanförnum árum og í auknu mæli verið flutt til Reykjavíkur. Heilbrigðisþjónustan þar skýrasta dæmið. Bæjarráð Sandgerðisbæjar telur því að nota verði aðrar leiðir en vegatolla til að fjármagna nauðsynlegar framkvæmdir við vegakerfið.