8. fundur hafnaráðs Sandgerðisbæjar

Home/Hafnaráð/8. fundur hafnaráðs Sandgerðisbæjar
  • Varðan, Miðnestorgi 3, 245 Sandgerði

Fundargerð 8. fundar hafnaráðs Sandgerðisbæjar
haldinn á skrifstofu Sandgerðishafnar
mánudaginn 23. nóvember 2015, kl. 16.30.
 

Fundinn sátu: Ólafur Oddgeir Einarsson (D), formaður, Jóhann Rúnar Kjærbo (S), )  Katrín Júlía Júlíusdóttir (S), Grétar Mar Jónsson (B), Elfar Bergþórsson, (B) og Magnús S. Magnússon (H), áheyrnarfulltrúi.

Auk þess sátu fundinn Grétar Sigurbjörnsson verkefnastjóri hafnarinnar og Sigrún Árnadóttir hafnarstjóri sem jafnframt ritaði fundargerð.

  1. 1506169 – 9 mánaða rekstraryfirlit. Lagt var fram 9 mánaða rekstraryfirlit. Laun og rekstrarkostnaður er samkvæmt áætlun en tekjur eru undir því sem áætlanir gerðu ráð fyrir.
  1. 1509015 – Byggðakvóti fiskveiðiársins 2015/2016. Sandgerðisbæ var úthlutað 85 þorskígildistonnum fyir fiskveiðiárið 2015/2016. Bæjarstjórn fól hafnaráði fullnaðarafgreiðslu í málinu.

Hafnaráð óskar eftir að leitað verði eftir upplýsingum frá Fiskistofu um vinnslustað úthlutaðs byggðakvóta á fiskveiðiárinu 2014/2015.

Hafnaráð samþykkti með fjórum greiddum atkvæðum fulltrúa S-  og D-lista og annars fulltrúa B-lista að reglugerð um úthlutun byggðakvóta til fiskiskipa verði fylgt.

Hafnaráð samþykkti einróma að óska eftir sérreglum sem feli í sér að fiskiskip sem fær úthlutað byggðakvóta á fiskveiðiárinu 2015/2016 og leigir frá sér veiðiheimildir á sama tímabili missi rétt til byggðakvóta á fiskveiðiárinu 2016/2017.

  1. 1510060 – Sandgerðishöfn: áhaldahús: samrekstur. Greint var frá að tillaga hafnaráðs um samrekstur hafnarinnar og áhaldahúss hefði verið tekin til afgreiðslu á fundi bæjarstjórnar 3. nóvember. Bæjarstjórn vísaði tillögunnni til umræðu í bæjarráði og óskaði jafnframt eftir að greinargerð um málið yrði lagt fyrir bæjarráð.
  1. 1506109 – Suðurbryggja: viðgerð. Á 7. fundi hafnaráðs hvatti ráðið bæjarstjórn til þess að hefja framkvæmdir við endurnýjun stálþils svo fljótt sem auðið er. Bæjarstjórn hefur óskað eftir fundi með innanríkisráðherra um málefni hafnarinnar.
  1. 1510028 – Sandgerðishöfn: löndunarkrani. Greint var frá því að samkvæmt úttekt á löndunarkrönum hafnarinnar eru tveir kranar metnir ónothæfir. Leitað var tilboða í nýja krana og hagstæðasta tilboði tekið. Kranarnir eru væntanlegir í byrjun desember.
  1. 1508003 Sandgerðishöfn: innsiglingarstaur. Greint var frá stöðu málsins.
  1. 1506152 Hafnarsamband Íslands: fundargerðir nr. 378. og 379. Lagt fram til kynningar.
  1. 1506183 Samtök sjávarútvegssveitarfélaga: fundargerð 23. fundar. Lagt fram til kynningar.

 

Fundi slitið kl. 18.35
Ólafur O. Einarsson sign.
Jóhann R. Kjærbo sign.
Katrín J. Júlíusdóttir sign.
Grétar Mar Jónsson sign.
Magnús S. Magnússon sign.
Elfar Bergþórsson sign.
Grétar Sigurbjörnsson sign.
Sigrún Árnadóttir sign.