311. fundur Fræðsluráðs Sandgerðisbæjar

Home/Fræðsluráð/311. fundur Fræðsluráðs Sandgerðisbæjar
  • Sandgerði - Varðan - Tjörnin

311. fundur Fræðsluráðs Sandgerðisbæjar
Fundurinn var haldinn mánudaginn 23. apríl 2018,
kl.17.30 í Grunnskólanum í Sandgerði.

Fundinn sátu: Elín Björg Gissurardóttir formaður (D) Guðbjörg Eva Guðjónsdóttir ritari (S) Þjóðbjörg Gunnarsdóttir(S) Jóna María Viktorsdóttir(B) Lóa Björg Gestsdóttir (B), Svavar Grétarsson (H) áheyrnarfulltrúi, Hulda Björk Stefánsdóttir leikskólastjóri, Halldór Lárusson tónlistarskólastjóri og Hólmfríður Árnadóttir skólastjóri og einnig starfsmaður nefndar.
Formaður bauð fundarmenn velkomna og gerði grein fyrir dagskrá fundarins.

Dagskrá:
1. Skóladagatal 2018-2019 – Leikskólinn.
Hulda Björk leikskólastjóri bar upp skóladagatal leikskólans 2018-2019 til  samþykktar. Fræðsluráð samþykkir samhljóma. Skólastjóri óskar eftir lokun leikskóla
milli jóla og nýárs í samræmi við önnur skólastig. Fræðsluráð vísar ósk skólastjóra til  bæjarstjórnar.

2. Skóladagatal 2018-2019 – Tónlistarskólinn.
Halldór Lárusson tónlistarskólastjóri bar upp skóladagatal tónlistarskólans 2018-2019  til samþykktar. Fræðsluráð samþykkir samhljóma.

3. Starfsmannamál- Tónlistarskólinn.
Halldór fór yfir nokkur starfsmannamál. Birta Rós Sigurjónsdóttir mun leysa Sigurbjörgu Hjálmarsdóttur af í fæðingarorlof. Sigurgeir Sigmundsson gítarkennari
fastráðinn. Jónína Einarsdóttir píanókennari hefur sagt upp störfum.

4. Starfsmannafundir hafa verið haldnir með Garði – Tónlistarskólinn.
Hugmyndavinna sett af stað.

5. Biðlisti á gítar og píanó – Tónlistarskólinn.
11 nemendur eru á biðlista.

6. Fiðlukennska – Tónlistarskólinn.
Óvíst er með framhald fiðlukennslu vegna veikinda Wilmu.

7. Skóladagatal 2018-2019 – Grunnskólinn.
Hólmfríður Árnadóttir skólastjóri og Bylgja Baldursdóttir aðstoðarskólastjóri báru upp skóladagatal grunnskólans 2018-2019 til samþykktar. Fræðsluráð samþykkir
samhljóma.

8. Ráðningar næsta skólaárs – Grunnskólinn.
Skólastjórnendur fóru yfir ráðningar fyrir næsta skólaár. Búið er að ráða í allar stöður sem auglýstar voru. Fræðsluráð þakkar Elínu Yngvadóttur fyrir vel unnin störf og býður Bylgju Baldursdóttur og Fríðu Stefánsdóttur velkomnar til starfa.

9. Endurupptaka samræmdra prófa – Grunnskólinn.
Foreldrar hafa val um endurupptöku á samræmdu prófunum sem tekin eru vorið 2018.

10. Niðurstöður starfsmannasamtala, sjálfsmat skóla – Grunnskólinn.
Niðurstaða starfsmannasamtala kom vel út, mikil ánægja hjá starfsfólki.

11. Önnur mál.
Verið er að vinna að upplýsinga- og öryggisstefnu Grunnskólans í Sandgerði og búið er að gera vinnslusamning við Mentor. Farið var yfir leyfisveitingar starfsfólks í
Grunnskólanum í Sandgerði.

Fleira var ekki gert og fundi slitið kl. 19.05
Fundargerð lesin og samþykkt.

Elín Björg Gissurardóttir sign
Jóna María Viktorsdóttir sign
Guðbjörg Eva Guðjónsdóttir sign
Þjóðbjörg Gunnarsdóttir sign
Lóa Björg Gestsdóttir sign
Svavar Grétarsson sign