299. fundur Fræðsluráðs Sandgerðisbæjar

Home/Fræðsluráð/299. fundur Fræðsluráðs Sandgerðisbæjar
  • Varðan, Miðnestorgi 3, 245 Sandgerði

299. fundur Fræðsluráðs Sandgerðisbæjar,
haldinn í Grunnskólanum í Sandgerði
mánudaginn 14. mars 2016 kl.16.15

Fundinn sátu: Elín Björg Gissurardóttir formaður (D) Ástrós Jónsdóttir boðaði forföll (S) Sverrir Rúts Sverrisson (S) Jóna María Viktorsdóttir (B) Hjörtur Fjeldsted boðaði forföll (B) Jóna Kristín Sigurjónsdóttir (H) áheyrnarfulltrúi, Valdís Fransdóttir fyrir hönd kennara í forföllum Hildar Sigfúsdóttur, Halldór Lárusson tónlistarskólastjóri, Hulda Björk Stefánsdóttir leikskólastjóri og Fanney Dóróthe Halldórsdóttir skólastjóri  og einnig starfsmaður nefndar.
Formaður bauð fundarmenn velkomna og gerði grein fyrir dagskrá fundarins.
Dagskrá:
1. Skóladagatal Tónlistarskólans. Skóladagatal Tónlistarskólans samþykkt.
2. Starf tónlistarskólans á vorönn. Skólastjóri fór yfir starfið á skólaárinu og það sem er framundan.
3. Skóladagatal Leikskólans. Skóladagatal leikskólans samþykkt.
4. Útskrift og útskriftarferð skólahóps leikskólans. Farið verður í útskriftarferð í Vatnaskóg í maí með útskriftahóp.
5. Skýrsla könnunar á skoðun nemenda á matarmálum. Aðstoðarskólastjóri fór yfir skýrslu og niðurstöður könnunar og samtala við nemendur.
6. Skóladagatal Grunnskólans lagt fram til samþykktar. Skólastjóri fór yfir skóladagatal næsta skólaárs. Skóladagatal samþykkt
7. Starfsmannamál. Anna Kristjana Egilsdóttir segir upp starfi sínu við skólann við lok skólaársins (2015-2106). Ráðið þakkar henni fyrir störf sín við skólann.
Starfsmannasamtölum er að ljúka og drög að skipulagi næsta skólaárs að fæðast. Fjölgun verður í skólanum þar sem um 30 nemendur eru að hefja skólagöngu en aðeins 12 að útskrifast.
8. Ný útgáfa lestrarstefnu skólans afhent. Skólastjóri fór yfir breytingar á stefnunni og áherslur lestrarteymisins.
9. Umsókn í sprotasjóð. Skólastjóri sendi inn umsókn um styrk í verkefnið ,,Markþjálfun, endurmenntun fyrir kennara“ í lok febrúar.
10. Skólaslit – námsferð. Skólastjóri óskar eftir að slíta skóla eftir hádegi fimmtudaginn 2. júní í stað 3. júní vegna námsferðar á námskeið í Uppeldi til ábyrgðar til Toronto í Kanada. Flug er á föstudeginum og námskeiðið yfir helgina (4. og 5. júní). Fræðsluráð samþykkir breytinguna.
11. Fréttir úr skólastarfi. Árshátíð nemenda verður haldin fimmtudaginn 17. mars. Í ár er árshátíð yngri nemenda í lok þemadaga sem enda með sýningu á verkefnum þeirra. Yfirskrift þemadaga er Fjölmenning. Árshátíð eldri nemenda er með hefðbundnum hætti.
Skólahreysti. Nemendur unglindadeildar tóku þátt í skólahreysti þann 3. mars og lentu í 10. sæti. Keppendur Grunnskólans í Sandgerði voru Piotr Mazurek, Róbert Páll Arason, Benjamín Smári Kristjánsson, Katla María Þórðardóttir, Íris Una Þórðardóttir og Elísabet Ýr Hansdóttir.
Stóra Upplestrarkeppnin var haldin hér í Sandgerði í fyrsta sinn þann 2. mars. Þar tóku þeir Styrmir Þór Wium Sveinsson og Gabríel Aron Smárason þátt fyrir hönd Grunnskólans í Sandgerði. Gabríel Aron lenti í 3. sæti.
Boðsundskeppni. Sextán nemendur af mið- og unglingastigi tóku þátt í boðsundskeppni grunnskólanna í síðustu viku og stóðu sig með stakri prýði.
Stærðfræðikeppni grunnskólanna. 6 krakkar frá 8. – 10. bekk tóku þátt í Stærðfræðikeppni grunnskólanna sem var haldin Fjölbrautarskóla Suðurnesja, úrslit eru ekki kunn.
Skíðaferð. Nemendaráð skipulagði skíðaferð sem farin var í byrjun febrúar. Ferðin gekk í alla staði vel og er skemmtileg viðbót við íþrótta- og tómstundastarfið. Þetta er þriðja árið í röð sem nemendaráð skipuleggur skíðaferð og mælist hún vel fyrir hjá nemendum.
12. Bókun bæjarstjórnar v/skóladagatals skólanna. Skólastjórar hafa núþegar samræmt skóladagatöl skólanna.
13. Jafnréttisáætlun – lagt fram til kynningar. Fræðsluráð vill benda á að í jafnréttisáætlun sé einungis tekið tilllit til jafnrétti kynjanna enn ekki til kynferðis, kynhneigðar, trúarbragðar, stjórmálaskoðanna, uppruna, litarháttar, efnahags, ætternis, fötlunar, sjúkdóma eða annara stöðu.
14. Bréf frá umboðsmanni barna – lagt fram til kynningar. Lagt fram til kynningar.
15. Önnur mál.
A)Heimsóknir skólafólks í skólann hafa aukist og mikil ánægja er með fyrirkomulag skólastarf, sérúræði, lestrastefnu, samstarf við leikskóla og áhugi er um eineltis- og uppbyggingarstefnuna.
B) Hugmyndir ræddar um sameiginlegan starfsdag bæjarstarfsmanna.

Fleira var ekki gert og fundi slitið kl.19.20
Fundargerð lesin og samþykkt:
Elín Björg Gissurardóttir sign.
Sverrir Rúts Sverrisson sign.
Jóna María Viktorsdóttir sign.
Jóna Kristín Sigurjónsdóttir sign.