132 . fundur Fjölskyldu- og velferðarnefnd Sandgerðisbæjar, Sv. Garðs og Voga

Home/Fjölskyldu- og velferðarnefnd/132 . fundur Fjölskyldu- og velferðarnefnd Sandgerðisbæjar, Sv. Garðs og Voga
  • Sandgerði - Varðan - Tjörnin

132. fundur Fjölskyldu- og velferðarnefnd Sandgerðisbæjar, Sv. Garðs og Voga
haldinn Í fundarherbergi bæjarstjóra í Vörðunni,
fimmtudaginn 19. október 2017 og hófst hann kl. 16:15

Fundinn sátu:
Katrín Pétursdóttir Formaður, Jónína Holm Varaformaður, Margrét Bjarnadóttir Aðalmaður, Drífa Birgitta Gunnlaugsdóttir Aðalmaður, Hulda Ósk Jónsdóttir Aðalmaður og Guðrún Björg Sigurðardóttir Starfsmaður.

Fundargerð ritaði: Jóna María Viktorsdóttir, ritari Fjölskyldu- og velferðarnefndar.

Jóhanna Lára Guðjónsdóttir boðar forföll, einnig boðar varamaður hennar Áshildur Linnet forföll.
Svava Guðrún Hólmbergsdóttir boðar forföll sem og varamaður hennar Einar Tryggvason boðar forföll.

Opin mál: 1
Lokuð mál: 10
Vinnuhópur um málefni aldraðra (1)
Málaflokkur fatlaðs fólks (1)
Íbúð í Miðhúsum (4)
Fjárhagsaðstoð (2)
Liðveisla (1)
Stuðningsfjölskylduleyfi (2)
Skipting mála:
Sandgerði (8)
Garður (1)
Vogar (1)
Sandgerði og Garður (1)
Dagskrá:
1. 1703015 – Vinnuhópur um málefni aldraðra
Á fundi bæjarráðs í Sandgerði þann 12. apríl 2016 var samþykkt að skipa vinnuhóp um málefni eldri borgara. Stefna í málefnum eldri borgara hefur verið til umræðu um nokkurn tíma í bæjarráði og bæjarstjórn sem og á sameiginlegum vettvangi sveitarfélaganna á Suðurnesjum. Í framhaldi var leitað til Garðs og Voga eftir samstarfi þar sem sveitarfélögin þrjú reka saman félagsþjónustu. Á fundi bæjarráðs í Sandgerði þann 10. janúar 2017 og á fundi bæjarráðs Garðs þann 19. janúar 2017 voru samþykktar samhljóða tillögur um sameiginlega vinnu Sveitarfélaganna þriggja við stefnumótun í málefnum eldri borgara. Á fundi bæjarráðs Voga þann 11. janúar var sama tillaga lögð fram og ákvað bæjarráð að fresta tilnefningu í starfshóp um stefnumótun í málefnum eldri borgara. Athygli er vakin á því að árið 2012 var stefnumótun í uppbyggingu öldrunarþjónustu í Vogum lögð fram. Var hópnum falið það hlutverk að móta stefnu í málefnum aldraðra til næstu 2 ára. Vinnuhópurinn var skipaður þeim Fríðu Stefánsdóttur og Daða Bergþórssyni fyrir Sandgerðisbæ og þeim Jónínu Magnúsdóttur og Jónínu Holm fyrir Sv. Garð. Með vinnuhópnum starfaði einnig Guðrún Björg Sigurðardóttir, félagsmálastjóri. Vinnuhópurinn fór yfir það sem unnið hefur verið í málefnum aldraðra á vettvangi ríkis og sveitarfélaga. Hópurinn setti sér markmið í upphafi vinnunnar að efla og auka þjónustuna til að gera öldruðum kleift að búa sem lengst á eigin heimili. Sömuleiðis lagði hópurinn áherslu á að þær tillögur sem lagður eru fram í framkvæmdaráætlun snúi að mestu að ábyrgð sveitarfélaganna. Sjá meðfylgjandi skýrslur.
Fjölskyldu- og velferðarnefnd leggur áherslu á að bæjarstjórnir Sandgerðisbæjar og Sv. Garðs að hafi framkvæmdaáætlun vinnuhóps aldraðra til hliðsjónar við gerð fjárhagsáætlunar fyrir árið 2018. Einnig leggur nefndin til að bæjarstjórn Sveitarfélagið Vogar kynni sér framkvæmdaráætlun vinnuhópsins eða leggist í sambærilega vinnu.

2. 1611016 – Málaflokkur fatlaðs fólks: krafa um fjárgreiðslu
3. 1706035 – Félagslegar íbúðir
4. 1710002 – Félagslegar íbúðir
5. 1605006 – Íbúð í Miðhúsum
6. 1609024 – Umsókn um leiguhúsnæði í Miðhúsum
7. 1710019 – Fjárhagsaðstoð
8. 1612001 – Fjárhagsaðstoð
9. 1703022 – Liðveisla
10. 1307007 – Stuðningsfjölskylda
11. 1507003 – Stuðningsfjölskylduleyfi

Fleira ekki gert. Fundi slitið kl. 17.30
Jónína Holm sign.
Drífa Birgitta Önnudóttir sign.
Hulda Ósk Jónsdóttir sign.
Margrét Bjarnadóttir sign.
Katrín Pétursdóttir sign.
Guðrún Björg Sigurðardóttir sign.