10. fundur Atvinnu-, ferða- og menningarráðs Sandgerðisbæjar

Home/Atvinnu-, ferða- og menningarráð/10. fundur Atvinnu-, ferða- og menningarráðs Sandgerðisbæjar
  • Varðan, Miðnestorgi 3, 245 Sandgerði

10. fundur Atvinnu-, ferða- og menningarráðs Sandgerðisbæjar
, haldinn í Vörðunni, Miðnestorgi 3,
fimmtudaginn 19. nóvember 2015 og hófst hann kl. 17:30

Fundinn sátu:
Lúðvík Júlíusson formaður S- lista, Rakel Ósk Eckard S- lista, Sigurpáll Árnason D- lista, Svavar Grétarsson H- lista,, Unnur Óskarsdóttir varamaður B- lista, og Guðjón Þ. Kristjánsson.
Fundargerð ritaði: Guðjón Þ. Kristjánsson.
Dagskrá:
1. 1506051 – Sandgerðisdagar 2015
Fyrir fundinum liggur skýrsla Knattspyrnudeildar Reynis um framkvæmd Sandgerðisdaga 2015. Farið var yfir skýrsluna.
Afgreiðsla: Atvinnu- feða- og menningarráð þakkar Knattspyrnudeild Reynis fyrir skýrsluna og gott starf við undirbúning og framkvæmd Sandgerðisdaga 2015. Ráðið bendir á eftirfarandi þætti sem hafa þarf í huga við undirbúning og framkvæmd Sandgerðisdaga 2016: 1. Sandgerðisdagar þurfa að verða virkari á samfélagsmiðlum. 2. Dagskrá verði ákveðin fyrr, og meira verði fjallað um einstaka liði á samfélagsmiðlum. 3. Þriggja manna framkvæmdastjórn verði kjörin, stjórnin haldi reglulega fundi og farið verði yfir gátlista. 4. Ákveðnir liðir verði festir í dagskrá og á gátlista svo þeir gleymist ekki. 5. Íbúafundur verði í janúar/febrúar um innihald. Á að breyta einhverju, færa eitthvað fyrr á sumarið? 6. Markmið með Sandgerðisdögum verði skýrt. Náðust markmiðin? 7. Verkaskipti verði skýrð. Ábyrgðardreifing meiri. 8. Tiltekt og frágangur verði inni í verklýsingum. 9. Gengið verði frá samningum við framkvæmdaaðila í febrúar/mars 2016

2. 1511011 – I-stay ehf: tjaldsvæði: ósk um leyfi til frekari uppbyggingar
Frá 632. fundi bæjarráðs Sandgerðisbæjar, 4. mál. Erindi i-Stay ehf. um leyfi til frekari uppbyggingar er vísað til sviðsstjóra umhverfis-, skipulags- og byggingarmála og jafnframt til umsagnar í húsnæðis-, skipulags- og byggingarráði og atvinnu-, ferða- og menningarráði. Málið verði lagt að nýju fyrir næsta fund bæjarráðs.
Gestur fundarins var Jónas Ingason frá I-Stay og fór hann yfir hugmyndir fyrirtækisins.
Afgreiðsla: Atvinnu- ferða- og menningarráð þakkar Jónasi Ingasyni fyrir komuna á fundinn og upplýsingarnar. Ráðið fagnar því framtaki sem hér er á ferðinni í ferðaþjónustu í bænum og þeirri uppbyggingu sem hefur átt sér stað. Þessar framkvæmdir falla vel að markmiðum um eflingu ferðþjónustu í Sandgerði. Ráðið bendir á að nauðsynlegt gæti verið að endurskoða samning við IStay í ljósi þessarar uppbyggingar og að í þvi sambandi þurfi að gæta að jafnræði á milli aðila í ferðaþjónustu í Sandgerði.

3. 1510007 – Tendrun jólaljósa 2015
Fyrir fundinum liggja drög að dagskrá vegna tendrunar jólaljósa Sandgerðisbæjar. Fram kemur að Sandgerðisbær verður 25 ára 3. desember n.k. þegar ljósin verða tendruð og því verður haft aðeins meira við nú en venja er. Farið var yfir dagskrána og gengið frá endanlegri útgáfu hennar.
Afgreiðsla: Fræðslu- og menningarfulltrúa er falið að auglýsa viðburðinn á heimsíðu bæjarins og á facebook- síðu bæjarins. (og senda auglýsingu í fjölpósti?)

4. 1511017 – Ferðamál í Sandgerðisbæ: opinn fundur 2015
Farið var yfir drög að dagskrá opins fundar um ferðamál í Sandgerðisbæ.
Afgreiðsla: Ákveðið var að atvinnu- ferða- og menningarráð standi fyrir opnum fundi um ferðamál í Sandgerðisbæ miðvikudaginn 13. janúar 2016. Formanni og fræðslu- og menningarfulltrúa er falið að ljúka undirbúningi og auglýsa fundinn.

5. 1208011 – Auðlindagarður á Reykjanesi
Á fundinum var lagt fram kynningarrit um Auðlindagarðinn. Ritið er kynning á fjölþættri nýtingu jarðvarma á Rekjanesi.
Afgreiðsla: Lagt fram til kynningar.

Fleira ekki gert. Fundi slitið kl. 19:10
Lúðvík Júlíusson sign.
Rakel Ó. Eckard sign
Sigurpáll Árnason sign.
Svavar Grétarsson sign.
Unnur Óskarsdóttir sign.
Guðjón Þ. Kristjánsson sign.